أنظمة تشغّل شغلك،
من الكاونتر للتوصيل
نبني الأنظمة الي تمشي عليها محلات العراق وعياداته ومطاعمه وصالاته وشركات توصيله: البيع والفواتير والمخزن والحسابات، ومتجر برابطك، وتطبيقات على تلفونات زبائنك — كلها بمكان واحد، وكلها شغّالة اليوم.
٧ أيام مجاناً · بلا بطاقة دفع · ويندوز وأندرويد وآيفون
شاشة البيع
هذي الشاشة الي يشتغل عليها الكاشير كل يوم
مو رسمة. لقطة من النظام نفسه بحساب العرض: تبحث، تضيف، تخلّص الحساب وتنطبع الفاتورة — بنفس الشاشة، وبنفس الشكل على الويندوز والتلفون.
امسح أو اكتب
الباركود أو جزء من الاسم، والأقرب يطلع أوّل.
زبون بثانيتين
اسم ورقم، والعنوان اختياري ويطلع على الفاتورة.
خلّص الحساب · F8
نقد أو آجل أو تقسيط، والفاتورة تنطبع لحالها.
الوردية والدرج
كل كاشير يسكّر ورديته ويعدّ درجه، والفرق ينكتب باسمه.
لقطة من النظام نفسه — حساب العرض
الأنظمة
منظومة وحدة، وكل نظام بيها يشتغل لحاله
تبدي بالي تحتاجه اليوم وتضيف الباقي لمن تكبر. والبيانات ما تنكتب مرّتين: الي ينباع من المتجر ينقص من نفس المخزن الي يشوفه الكاونتر، بنفس اللحظة.
OWL ERP
نظام إدارة المحل
البيع والفواتير والمخزن والمشتريات والحسابات والموظّفين — ويتشكّل حسب قطاعك.
OWL Delivery
نظام شركات التوصيل
طلب واحد وثلاث حسابات: التاجر ينشئه، والإدارة تسنده، والسائق يوصّله — والنقد يمشي وياهم.
المتجر الإلكتروني
متجر برابطك أو بدومينك
متجر جاهز من بضاعتك نفسها، والطلب ينزل بالنظام مباشرة.
مساعد OWL
يشتغل ويّا Claude وChatGPT
اسأل عن شغلك بكلامك، واطلب منه يسوّي — وما ينفّذ شي إلا بموافقتك.
- «شكد بعت هالأسبوع مقارنة بالأسبوع الي فات؟»
- «منو أكثر زبون مدين إلي؟»
- «ارفع أسعار قسم الملابس ١٠٪ — اعرضها عليّ قبل.»
تطبيقات OWL
ويندوز وأندرويد وآيفون
النظام نفسه بتطبيق — يفتح بدوسة، ويطبع، ويشتغل بالكاميرا والبلوتوث.
- ويندوز: طباعة حرارية وعادية، وبيع بلا إنترنت
- مسح الباركود بكاميرا التلفون
- تطبيق اللاعب وتطبيق الكابتن للصالات
حاسبة OWL أداة ويندوز
حاسبة تكتب العملية كاملة وتطلع النتيجة وانت تكتب — بلا ما تضغط «=».
القطاعات
نفس النظام، يلبس قطاعك
القطاع مو ألوان شاشة. يغيّر شنو ينتابَع وشنو ينطبع وشنو ينمنع — الصيدلية بالدفعات وتاريخ الانتهاء، والعيادة بالمواعيد وملف المريض، والمطعم بالطاولات والمطبخ.
المحلات
يبدي من 30,000 دينار بالشهر
- أشكال المنتج: لون ومقاس، وكل شكل برصيده وباركوده
- أرقام الأجهزة (IMEI) والتقسيط لمحلات الموبايل
- متجر إلكتروني من نفس البضاعة
مبني هنا
مبني لشغل العراق، مو مترجم إله
تفاصيل انبنت لأن السوق هنا يشتغل هيچي. لو انبنى النظام بمكان ثاني چان ما انتبهنا إلها.
- الدينار
- أسعار بالدينار بلا كسور، والأرقام تنكتب كاملة، وتقريب المبلغ بعد الخصم لأقرب ٢٥٠ إذا تريد.
- شركات التوصيل
- ربط مباشر ويّا الوسيط وهاي إكسبرس: الشحنة تطلع من الفاتورة، وحالتها ترجع للنظام لحالها.
- الدفع
- كي كارد وزين كاش صناديق جنب صندوق النقد، والدفع الإلكتروني بالمتجر عن طريق Wayl.
- الطابعات
- حرارية ٨٠ و٥٨ ملم وملصقات باركود وطابعة عادية A4 وA5 — من الويندوز والأندرويد والآيفون.
- الإنترنت والكهرباء
- تطبيق الويندوز يكمّل البيع لو انقطع الخط، ويرفع الي تجمّع لمن يرجع.
- الدوام
- أجهزة البصمة والوجه تسجّل حضور الموظّفين، والرواتب والسلف والإجازات من نفس النظام.
- اللغة
- الواجهة بالعراقي أو الفصحى أو الكردي أو الإنكليزي، والمتجر بالعربي والكردي والإنكليزي.
أعمالنا
وإذا نظامك مو جاهز، نبنيه
نفس الفريق ونفس الأدوات بنت أنظمة لشركات ثانية: منصة استثمار، وعقود تغطية صحية، وفعاليات بالقبول، وتطبيق محفظة. كل واحد منها إله نسخة تفاعلية تكدر تجرّبها هسّه.
منصة استثمار
منصة النخبة الاستثمارية
تربط المستثمر بالمشروع: عرض الفرصة، وحجز الحصص، وجدول العوائد الشهرية، وكل مستثمر يشوف فلوسه بس. أعدنا بناءها كاملة والمستثمرون شغّالين عليها، ومحافظين على اسمها وعلامتها.
جرّب النسخة التفاعليةنظام تغطية صحية
عقود التغطية الصحية للعائلة
المشترك يمسح رمز عقده ويسجّل نفسه وعائلته، والمدقّق يقبل أو يصحّح، والمركز الصحي يمسح العقد بكل زيارة. ثلاث مواقع مبنية ومفحوصة.
جرّب النسخة التفاعليةمنصة فعاليات
فعاليات بالقبول، مو بالبيع المفتوح
الي يريد تذكرة يقدّم طلباً، والمنظّم يقبل أو يرفض، والمقبول يدفع ويستلم تذكرة برمز ينمسح مرّة وحدة عند الباب — حتى لو الباب بلا إنترنت.
جرّب النسخة التفاعليةتطبيق جوال
جزداني
محفظة شخصية تشتغل بلا حساب وبلا إنترنت: مصروفك بثلاث ضغطات، ومحافظك (نقدي وكي كارد وزين كاش)، وتقرير شهرك، وصور مستنداتك ويّا تنبيه قبل ما تنتهي.
جرّب النسخة التفاعلية
الأسعار
سعر واضح بالدينار، ونفسه بالفاتورة
الأسعار تنقرا من النظام نفسه، فالي تشوفه هنا هو الي تدفعه. وكل خطّة تجيك ٧ أيام تجربة بلا بطاقة.
من30,000دينار بالشهر
كل الخطط والمقارنة| بداية3 موظّف · 2,000 منتج | 30,000د.ع / شهر |
|---|---|
| نمو5 موظّف · 3,000 منتج | 50,000د.ع / شهر |
| احتراف25 موظّف · 50,000 منتج | 175,000د.ع / شهر |
تحب تشوفه على بضاعتك إنت؟
افتح حساباً وجرّبه سبعة أيام، أو خلّينا نوريك النظام على أسعارك وأصنافك باتصال واحد.
بلا بطاقة دفع