عنّا
شركة عراقية تبني أنظمة لشغل العراق
OWL Platform شركة مسجّلة ببغداد (منصة البومة للحلول الرقمية والبرمجة). نبني الأنظمة ونشغّلها ونردّ على التلفون بنفسنا.
بدينا من التوصيل، لأنه أكثر مكان تضيع بيه الفلوس والوقت بالعراق. وبعدها بنينا نظاماً كاملاً للمحلات، لأن نفس التاجر الي يحتاج توصيل يحتاج يعرف شكد ربح.
وكبر النظام قطاعاً قطاعاً حسب الي يطلبه الزبائن: صيدلية، عيادة، مطعم، صالة، مغسلة، مختبر — كل وحدة انبنت بعد ما قعدنا ويّا ناسها وشفنا شلون يشتغلون.
أربع قرارات تشرح باقي النظام
- بياناتك مالتك
- كل محل معزول عن غيره بالقاعدة نفسها، وتصدّر بضاعتك ومبيعاتك بأي وقت.
- ما ننشر شي قبل ما يشتغل
- ما تلكى «قريباً» بالموقع. الي تشوفه هنا ينفتح اليوم.
- الرقم يوديك لمكانه
- كل رقم بالشاشة ينضغط ويوديك للتفاصيل الي طلّعته.
- الي ينكتب ما ينمحي
- الفاتورة المرحّلة تنلغى بقيد معاكس، وياه سببه ومنو سوّاه.
معلومات الشركة
- الاسم القانوني
- منصة البومة للحلول الرقمية والبرمجة
- المكان
- بغداد، العراق
- الدعم
- تلفون وواتساب — مو تذكرة وانتظار