حذف الحساب

أي واحد داخل على OWL Delivery — بالتطبيق أو بالموقع — يكدر يطلب حذف حسابه بلا ما يطلع منه: الدعم ← «حذف حسابك». وصاحب الشركة يوصله خبر بنفس اللحظة. ولمن الي يطلب هو صاحب الشركة، يصير طلب حذف الشركة كلّها.

وننفّذه مثل ما مكتوب تحت، خلال ٣٠ يوم.

صاحب المحل يوقّف أي موظّف من داخل النظام. بـOWL ERP: المستخدمون والصلاحيات ← الموظّف ← «عطّله». وبـOWL Delivery — والسوّاق والتجّار منهم: المستخدمين ← الشخص ← «إيقاف الحساب». من هذيك اللحظة ما يكدر يدخل من أي جهاز.

وإذا إنت موظّف وتريد حسابك ينحذف، اطلبه من صاحب محلّك، أو راسلنا مباشرة (تحت) ونسوّيه وياه. نشيل إيميلك ورقم تلفونك من الحساب ونقفل الدخول؛ واسمك يبقى على الفواتير والحركات الي سوّيتها، لأن دفاتر المحل لازم تبيّن منو سوّى كل قيد.

صاحب المحل يرسل طلب الحذف من رقم التلفون أو الإيميل المسجّل بالحساب — واتساب أو إيميل (تحت). نتأكد وياه قبل التنفيذ، لأن الحذف ما يرجع.

قبل الحذف تكدر تصدّر بياناتك — المبيعات، والمنتجات، والزبائن، والحسابات — من داخل النظام.

ننفّذ الحذف خلال ٣٠ يوم ونخبرك لمن يخلص.

ينحذف: المحل وكل شي انحط بيه — الزبائن، والمرضى وسجلاتهم، والمنتجات، والفواتير، والمخزون، والحسابات، والطرود وسجلات توصيلها ونقدها، والملفات والصور — وحسابات الدخول لصاحب المحل وكل الموظّفين.

يبقى، وليش: سجل العمليات الأمني (منو دخل وشنو سوّى) — مقفول، ولأغراض الأمان والتحقيق بالاحتيال بس. وسجلات فواتير اشتراكك ويانا، للمدة الي يفرضها القانون على السجلات المالية. ولا وحدة منهن تنستعمل لأي شي ثاني.

واتساب أو اتصال: 07760806878

إيميل: owlplatformiq@gmail.com

اكتب «احذف حسابي» ووياها اسم المحل، ورقم التلفون أو الإيميل الي تدخل بيه.