برمجة أنظمة وتطبيقات حسب الطلب
نبني نظامك أنت، من الصفر
OWL Platform شركة برمجيات عراقية مسجّلة ببغداد، تبني أنظمة إدارة وتطبيقات موبايل ومواقع ومتاجر إلكترونية حسب شغل كل شركة. نفس الفريق الي بنى OWL ERP وOWL Delivery وتطبيقاتهم المنشورة على App Store وGoogle Play وMicrosoft Store، يبني نظامك بالعربي والكردي والإنكليزي.
آخر تحديث: ١ تشرين الثاني ٢٠٢٦
شنو نبني
أنظمة إدارة وERP حسب الطلب
مبيعات ومخزون ومشتريات ومحاسبة بقيد مزدوج وموظفين وصلاحيات، مرسومة على طريقة شغلك مو العكس. كل مستخدم يشوف الي يخصّه بس، وكل تعديل ينسجّل باسم صاحبه.
من أعمالنا:
- OWL ERP
- OWL Master
- عقود التغطية الصحية للعائلة
تطبيقات آيفون وأندرويد
تطبيقات تنشر باسم شركتك على App Store وGoogle Play، ونسخة ويندوز إذا شغلك على كاونتر. ونكدر نخلّيها تكمّل شغلها بلا إنترنت وتتزامن لمن يرجع الخط.
من أعمالنا:
- تطبيقات OWL على المتاجر الثلاث
- جزداني
- تطبيق OWL Delivery
مواقع ومتاجر إلكترونية
موقع شركة بتصميم من الصفر، أو متجر يبيع ويستلم الدفع الإلكتروني ويرسل الطلب لشركة التوصيل — بدومينك، ومبني حتى تلكاه محركات البحث.
من أعمالنا:
- متجر OWL الإلكتروني
- موقع مجموعة قابضة
منصات بيها أكثر من طرف
شركة توصيل وتاجر وسائق، أو منظّم ومشترك، أو مستثمر ومشروع: كل طرف بحسابه وصلاحياته، والفلوس تنحسب بينهم بلا دفتر.
من أعمالنا:
- OWL Delivery
- منصة النخبة الاستثمارية
- منصة فعاليات بالقبول
ربط وتكامل (API)
نربط نظامك ببوابات الدفع الإلكتروني العراقية وشركات التوصيل وانستغرام وفيسبوك وواتساب، وبأجهزة البصمة والطابعات الحرارية، حتى ما يندخل نفس الرقم مرّتين.
من أعمالنا:
- OWL ERP ويّا الدفع والتوصيل والسوشال ميديا
ذكاء اصطناعي وأتمتة
مساعد يحچي ويّا نظامك عن طريق Claude وChatGPT وينفّذ بموافقتك، وتعديل صور المنتجات بالذكاء الاصطناعي، وأدوات تقرا أرقام إعلاناتك وتشخّص وين تنحرق الميزانية.
من أعمالنا:
- مساعد OWL
- مدير الحملات الإعلانية
شلون نشتغل
- 01
سطرين بالواتساب
شنو تشتغل، ووين يضيع وقتك أو فلوسك. ما تحتاج تعرف أي شي تقني.
- 02
تصوّر مكتوب
نرد بتصوّر مكتوب قبل ما نبدي: الشاشات، ومنو يستعمل كل وحدة، والربط، والكلفة والمراحل.
- 03
نسخة تفاعلية
قبل ما ننكتب سطر كود، تشوف نسخة تفاعلية تنكز بيها وتعدّل عليها، حتى ما يطلع الفرق بعد التسليم.
- 04
البناء والفحص
نبني على مراحل، وكل مرحلة تنفحص على بيانات من شغلك الحقيقي قبل الي بعدها.
- 05
التسليم والتدريب
تدريب لفريقك على النظام، والتواصل ويّانا مباشر بالواتساب.
ليش OWL
أنظمتنا شغّالة اليوم
مو نماذج عرض: OWL ERP يشتغل بمحلات عراقية، وتطبيقاته منشورة على App Store وGoogle Play وMicrosoft Store.
عراقي من الأساس
الدينار، والعربي والكردي، والدفع عند الاستلام، والنت الي ينقطع: محسوبة من أول يوم مو مترجمة بعدين.
تشوف قبل ما نبني
النسخة التفاعلية تجي قبل الكود، فتعرف شكل نظامك قبل ما يبدي البناء.
شركة مسجّلة
OWL Platform شركة مسجّلة بوزارة التجارة العراقية، ومقرّها بغداد.
أسئلة عن البرمجة حسب الطلب
- شكد تكلف برمجة نظام أو تطبيق بالعراق؟
- تعتمد على عدد الشاشات والأطراف والربط المطلوب. ما نعطي سعراً قبل ما نفهم الشغل: ترسل سطرين بالواتساب، ونرد بتصوّر مكتوب بيه الكلفة والمراحل قبل ما نبدي.
- شكد ياخذ المشروع وقت؟
- المدّة تنكتب بالتصوّر لكل مرحلة. والنسخة التفاعلية تجي أولاً، فتشوف شكل النظام قبل ما يبدي البناء.
- تبنون من الصفر لو تستعملون قوالب جاهزة؟
- من الصفر. كل نظام بهاي الصفحة مكتوب لشغل صاحبه، وكل موقع مصمّم بلا قالب.
- الأنظمة تشتغل على آيفون وأندرويد وويندوز؟
- إي. نبني نسخة ويب، وتطبيقات آيفون وأندرويد، ونسخة ويندوز، ونفس البيانات تتزامن بينهن.
- تدعم العربي والكردي والإنكليزي؟
- إي. الأنظمة الي نبنيها تنكتب بالعربي من البداية، وتنضاف الكردية (السورانية) والإنكليزية لنفس الشاشات.
- تربطون الدفع الإلكتروني وشركات التوصيل؟
- إي. نربط بوابات الدفع الإلكتروني العراقية وشركات التوصيل وانستغرام وفيسبوك وواتساب، والطابعات الحرارية وأجهزة البصمة.
- تبنون أنظمة لقطاعات غير المحلات؟
- إي. من أعمالنا منصة استثمار، وعقود تغطية صحية، ومنصة فعاليات، ومحفظة جوال، وموقع مجموعة قابضة.
- منو يشتغل على مشروعي؟
- فريق OWL ببغداد، ويقوده المؤسس إبراهيم علي، الي بنى OWL ERP وOWL Delivery.
عندك فكرة نظام أو تطبيق؟
اكتبلنا سطرين بالواتساب: شنو تشتغل، وشنو تريد النظام يسوّي. نرد عليك بتصوّر مكتوب قبل ما نبدي.